Norsk rannsókn sem gerð var í Þrándheimi sýni að fólk sem sækir messur er með lægri blóðþrýsting en aðrir. Þetta gildi um bæði karla og konur. Haft er eftir einum rannsakenda að því oftar sem fólk hafi farið í kirkju, þeim mun lægri hafi blóðþrýsingurinn verið, jafnvel þegar tekið hefði verið tillit til margra annarra skýringa.

Greint er frá rannsókninni á vef þjóðkirkjunnar, en markmið hennar var að kanna hvort virkni í trúarlífi hefði áhrif á heilsu og voru valdar breyturnar kirkjursókn og blóðþrýstingur. Orsakasamhengið er óljóst, en á vef kirkjunnar segir að rannsóknin sýni að þeir sem séu virkir í trúarlegu starfi séu heilbrigðari en þeir sem geri það ekki. Fram kemur að bandarískar rannsóknir hafi áður gefið vísbendingar um samhengi kirkjusóknar og blóðþrýstings.

Persónur úr nefndum þáttum, en þeir hafa verið sýndir í íslensku sjónvarpi.

Óli Gneisti Sóleyjarson, félagi í Vantrú, segir ekki koma á óvart að trúað fólk slaki á við messu. „Mér finnst endilega að ef fólk nýtur þess að fara í messu, þá eigi það endilega að fara. Líka ef það slakar á við að hlusta á tónlist, þá ætti það endilega að gera það líka.“

Hann rifjar upp atvik úr hruninu, þar sem hann var í bænum að taka myndir. „Ég fékk piparúða í augun þar sem ég var með mína video-vél. Ég varð skiljanlega alveg brjálaður. En ég fór heim, settist niður og horfði á tvo þætti af Scrubs. Það var mín slökun. Þótt sumir slaki á í messunni þá finnst mér ekki að það eigi að niðurgreiða slíkt, ekki frekar en ég eigi að fá niðurgreidda dvd diska með Scrubs,“ segir Óli Gneisti.

Mynd: Af vef þjóðkirkjunnar.