„Það er orðin þreytt mýta að konur ljúgi upp nauðgunum til þess að kasta rýrð á karla þetta á ekki að heyrast í upplýstu jafnréttissamfélagi. Nú látum við það ekki líðast lengur.“
Segir í tilkynningu frá Druslugöngufélaginu, en Druslugangan verður farin í ár með örlítið breyttum áherslum.

Á fundi Druslugöngufélagsins, fimmtudaginn síðastliðinn var ákveðið að Druslugangan yrði haldin þann 19. Maí og farin, líkt og í fyrra niður frá Skólavörðuholti og að Ingólfstorgi, en þar taka við fundarhöld, líkt og í fyrra. Í tilkynningunni segir ennfremur:

„Við breyttum áherslunum og nafninu örlítið vegna þess hvernig umræðan í samfélaginu hefur verið undanfarið. Það verður því farið í Meinta-Druslugöngu þetta árið. Okkur fannst mikilvægt að vekja athygli á því að fólk kærir ekki kynferðisofbeldi nema að hafa orðið fyrir því. „

En með orðinu meint er félagið að vísa í orðræðu fjölmiðla í umfjöllun um kynferðisbrot.

„Það er nær undantekningarlaust talað um meint brot í kynferðisafbrotum, það er svona líkt og að fólk gefi sér það að konur geri körlum slíkar sakir upp en það er lífseig mýta sem við viljum uppræta, fólk kærir ekki nauðgun nema að hafa orðið fyrir henni“

Markmið  meintrar Druslugöngu er svohljóðandi:
,,Við viljum breyta þeirri tilhneigingu samfélagsins að samþykkja að gerendur í kynferðisafbrotamálum séu raunverulegir þolendur/fórnarlömb upploginna ásakanna. Við viljum vekja athygli á orðræðuna í samfélaginu og hvernig fólk er tilbúið að leyfa brotamanni að njóta vafans á meðan að hin raunverulegu fórnarlömb eru vænd um meiðyrði.”

myndir úr göngunni í fyrra